ايه هو دور البنك المركزي ؟
في الأول لازم نعرف، ازاي البنك المركزي بيأثر علي الأقتصاد ؟
البنك المركزي له وظفتيين اساسيتين
1- علي مستوي الأقتصاد الكلي Macroeconomic، لما بيتحكم في التضخم و ثبات الاسعار
2- علي مستوي الأقتصاد الجزئي Microeconomic، لما بيقوم بدور انه يسلف البنوك
تعالي نتعمق في ال Macroeconomic و ازاي بيتحكم في التضخم و ثبات الاسعار ؟
بص يا سيدي، عن طريق حاجة اسمها السياسة النقدية Monetary Policy يعني ايه سياسة نقدية ؟
يعني بيتحكم في المعروض من الفلوس، يعني بيتحكم في كمية الفلوس اللي في الدولة
طب ازاي ؟
بص يا سيدي، في الاول لازم تعرف ان فيه علاقه عكسية بين كمية الفلوس و الفايدة يعني لو الفلوس كتيرة اوي في الدولة بالتالي هتلاقي الفايدة بتقل علشان يشجعوا الناس علي الاستثمار و العكس صحيح، طيب دلوقتي البنك المركزي عايز يزود الفلوس و يقلل الفايدة يعمل ايه ؟
الحكومة بتصدر سندات و اوراق مالية بفوايد لما بتبقي عايزة فلوس، فيقوم البنك المركزي يشتري السندات دي، فالحكومة كدا بقي معاها فلوس و بتعمل مشاريع يعني الفلوس في الدولة زادت و احنا قولنا لما الفلوس تزيد الفايدة تقل
حد يجي يسال و يقول طب ما كدا ممكن يبقي في الدولة معروض من الفلوس زيادة عن اللزوم ؟
هقولك انت صح، علشان كدا لما يلاقي البنك المركزي انه حصل كدا يرجع يبيعها تاني في السوق دا معناه انه سحب فلوس يعني الفلوس قلت يعني الفايدة تزيد و لما الفايدة تزيد محدش هيستلف من البنوك و محدش هيعمل مشاريع
تعالي نتعمق في ال Microeconomic و ازاي بيقوم بدور انه يسلف البنوك ؟
في البداية لازم نعرف انه كل بنك في مصر له احتياطي في البنك المركزي، يعني ايه احتياطي ؟
دي نسبة من الايداعات اليومية اللي بتيجي للبنك، بيفرضها البنك المركزي علي كل البنوك في مصر انه يعين النسبة دي ميقربش ليها يأما يعينها Cash في ايده يأما يحطها في حسابه اللي بأسمه في البنك المركزي،
مثال :
البنك النهارده جاله 100 جنية ايداعات و نسبة الاحتياطي اللي البنك المركزي فارضها 10%
اذن اللي من حق البنك يتصرف فيه كام ؟
90 جنية فقط
يعني ايه يتصرف فيه ؟
يعني يسلفه للعملاء، و بعد ما سلف ال90 جنية دول لشخص، الشخص دا هيشتري بضاعة او خدمات من الدولة يعني ال90 جنية دول رجعوا للاقتصاد داخل الدول، يعني ال90 دول بقوا في ايد التجار و العمال و المواطنين، و غالبا الناس دي هتروح يعمل بيهم ايداع في البنوك تاني يعني ال90 جنية رجعت للبنوك في الاخر كأيداعات، يرجع بقي البنك يطلع منهم كام ؟
هيطلع منهم 81 جنية فقط، طب ليه يا عم ؟
قولنا علشان فيه نسبة احتياطي 10% مفيش بنك هيقدر يقربلها ولا يتصرف فيها، طب هو ليه البنك المركزي بيفرض نسبة الاحتياطي دي ؟
كنوع من الامان علشان يحمي الناس اللي بتحط فلوسها في البنك من ان البنوك تفلس
طيب هو ازاي البنك المركزي بيسلف البنوك و ليه ؟
انت كبنك جايلك عميل النهارده و عايز قرض 1000000 جنية و انت مش معاك، هتمشيه ؟
هتقوله معلش مفيش فلوس في البنك ؟
مينفعش، فالبنوك التجارية بتستلف من البنك المركزي فلوس علشان تلبي احتياجات العملاء و البنك المركزي بيسلفه من الاحتياطي بتاع البنك و غالبا الاحتياطي اصلا مش بيغطي احتياجاته، علشان كدا ممكن بنك يستلف من بنك تاني و اللي بيشرف علي العملية دي البنك المركزي المصري
بواسطة : محمد السقطي
To follow our
Page on Facebook
Group on Facbook
Channle on Youtube
في الأول لازم نعرف، ازاي البنك المركزي بيأثر علي الأقتصاد ؟
البنك المركزي له وظفتيين اساسيتين
1- علي مستوي الأقتصاد الكلي Macroeconomic، لما بيتحكم في التضخم و ثبات الاسعار
2- علي مستوي الأقتصاد الجزئي Microeconomic، لما بيقوم بدور انه يسلف البنوك
تعالي نتعمق في ال Macroeconomic و ازاي بيتحكم في التضخم و ثبات الاسعار ؟
بص يا سيدي، عن طريق حاجة اسمها السياسة النقدية Monetary Policy يعني ايه سياسة نقدية ؟
يعني بيتحكم في المعروض من الفلوس، يعني بيتحكم في كمية الفلوس اللي في الدولة
طب ازاي ؟
بص يا سيدي، في الاول لازم تعرف ان فيه علاقه عكسية بين كمية الفلوس و الفايدة يعني لو الفلوس كتيرة اوي في الدولة بالتالي هتلاقي الفايدة بتقل علشان يشجعوا الناس علي الاستثمار و العكس صحيح، طيب دلوقتي البنك المركزي عايز يزود الفلوس و يقلل الفايدة يعمل ايه ؟
الحكومة بتصدر سندات و اوراق مالية بفوايد لما بتبقي عايزة فلوس، فيقوم البنك المركزي يشتري السندات دي، فالحكومة كدا بقي معاها فلوس و بتعمل مشاريع يعني الفلوس في الدولة زادت و احنا قولنا لما الفلوس تزيد الفايدة تقل
حد يجي يسال و يقول طب ما كدا ممكن يبقي في الدولة معروض من الفلوس زيادة عن اللزوم ؟
هقولك انت صح، علشان كدا لما يلاقي البنك المركزي انه حصل كدا يرجع يبيعها تاني في السوق دا معناه انه سحب فلوس يعني الفلوس قلت يعني الفايدة تزيد و لما الفايدة تزيد محدش هيستلف من البنوك و محدش هيعمل مشاريع
تعالي نتعمق في ال Microeconomic و ازاي بيقوم بدور انه يسلف البنوك ؟
في البداية لازم نعرف انه كل بنك في مصر له احتياطي في البنك المركزي، يعني ايه احتياطي ؟
دي نسبة من الايداعات اليومية اللي بتيجي للبنك، بيفرضها البنك المركزي علي كل البنوك في مصر انه يعين النسبة دي ميقربش ليها يأما يعينها Cash في ايده يأما يحطها في حسابه اللي بأسمه في البنك المركزي،
مثال :
البنك النهارده جاله 100 جنية ايداعات و نسبة الاحتياطي اللي البنك المركزي فارضها 10%
اذن اللي من حق البنك يتصرف فيه كام ؟
90 جنية فقط
يعني ايه يتصرف فيه ؟
يعني يسلفه للعملاء، و بعد ما سلف ال90 جنية دول لشخص، الشخص دا هيشتري بضاعة او خدمات من الدولة يعني ال90 جنية دول رجعوا للاقتصاد داخل الدول، يعني ال90 دول بقوا في ايد التجار و العمال و المواطنين، و غالبا الناس دي هتروح يعمل بيهم ايداع في البنوك تاني يعني ال90 جنية رجعت للبنوك في الاخر كأيداعات، يرجع بقي البنك يطلع منهم كام ؟
هيطلع منهم 81 جنية فقط، طب ليه يا عم ؟
قولنا علشان فيه نسبة احتياطي 10% مفيش بنك هيقدر يقربلها ولا يتصرف فيها، طب هو ليه البنك المركزي بيفرض نسبة الاحتياطي دي ؟
كنوع من الامان علشان يحمي الناس اللي بتحط فلوسها في البنك من ان البنوك تفلس
طيب هو ازاي البنك المركزي بيسلف البنوك و ليه ؟
انت كبنك جايلك عميل النهارده و عايز قرض 1000000 جنية و انت مش معاك، هتمشيه ؟
هتقوله معلش مفيش فلوس في البنك ؟
مينفعش، فالبنوك التجارية بتستلف من البنك المركزي فلوس علشان تلبي احتياجات العملاء و البنك المركزي بيسلفه من الاحتياطي بتاع البنك و غالبا الاحتياطي اصلا مش بيغطي احتياجاته، علشان كدا ممكن بنك يستلف من بنك تاني و اللي بيشرف علي العملية دي البنك المركزي المصري
بواسطة : محمد السقطي
To follow our
Page on Facebook
Group on Facbook
Channle on Youtube