1- لما تتسأل في الInterview عن نقاط الضعف و القوة ؟
مبدأيا السؤال دا فخ كبير، و لو انت جاوبت عليه بالحقيقة بكل بساطة هتترفض و يتشاف غيرك،
طب اكدب ؟
لا، فيه كذا طريقة ممكن تجاوب بيها و اختار اللي يعجبك في النهاية،
أ- هتبين نقط قوة فيك اكنها ضعف، يعني مثلا تقول انك وقت الضغط بتضغط علي اللي حواليك علشان نخلص المهام اللي علينا، فهمت المغزي ؟
ممكن تجاوب اجابة تانية بنفس الطريقة دي، و للعلم الطريقة دي بيبقوا قافشينها
ب-
انك تجاوب و تأكد علي نقاط قوة و ان عندك ما يكفي بأنك تحصل علي الوظيفة
اللي انت مقدم عليها و تبدأ تتكلم عن نقاط قوتك، يعني مثلا تقول "ان مفيش
انسان خالي من العيوب و لكن وظيفة الTeller بتتطلب ان الشخص يكون امين و
دقيق و حذر و من واقع خبرتي و شغلي انا شايف اني استحق الوظيفة دي" و دي
افضل طريقة
طب افرض متعرفش الوظيفة اللي انت مقدم عليها ؟
بسيطة
هتعمل موازنة بين نقاط قوتك و ضعفك و لكن لما تيجي تتكلم عن نقاط ضعفك
ابعد قدر المستطاع عن النقط اللي تمس الوظيفة بشكل عام في المكان اللي انت
مقدم فيه الشغل
2- سؤال "الصمت"
يا سلام، سؤال الصمت ؟
اه
و الله سؤال الصمت و بيبقي فخ، اللي بيعمل معاك Interview هيسكت بعد اخر
سؤال اتسأل و هيشوفك هتعمل ايه، و عادة هترتبك و هتقوم مكمل كلام علي اخر
سؤال اتسأل ليك و هتفضل تزود في الكلام و مش بعيد تكون بعدت عن اطار اللي
كنت بتتكلم فيه و بكدا اقدر اقولك مبروك عليك انت وقعت و محدش سم عليك،
طب هعمل ايه ؟
هتسكت انت كمان 5 ثواني، لو فضل باصص ليك اسأله بكل ادب ممنوع السخرية،
هل حابب اضيف شيء عن السؤال دا ؟
3- ليه اوظفك انت و موظفش حد تاني ؟
علشان انا واد خلاصة لاصة و 100 100، صح ؟
لا
يا سيدي دا سؤال برده فخ، علشان تجاوب صح علي السؤال دا لازم تبقي مجمع
معلومات كافية عن متطلبات المكان او الوظيفة او صاحب الشغل اللي انت رايح
له، و بتجاوب باللي انت جمعته و تبين انك ازاي بتملك المتطلبات دي
بواسطة : محمد السقطي
بواسطة : محمد السقطي